Баерн Минхен ја достави последната понуда за Алфонсо Дејвис, која е слична на онаа од крајот на минатата сезона, објавува „Скај Германија“. Договорот на канадскиот фудбалер истекува на крајот од сезоната, што му овозможува да преговара со други клубови.
Понудата на баварците е вредна 15 милиони евра по сезона, плус бонуси, а договорот би траел до летото 2029 година.
Левиот бек сè уште нема донесено конечна одлука за својата иднина, но на „Алијанц Арена“ се надеваат дека овојпат ќе успеат да го убедат да го продолжи договорот. Во моментов, агентот на дефанзивецот, Ник Хоус, се наоѓа во Минхен за да води завршни преговори со Баерн.
Интерес за Алфонсо Дејвис покажува и Реал Мадрид.
