Аталанта го доведе Даниел Малдини

Аталанта официјално го ангажира Даниел Малдини. „Бергамаските“ ќе платат 10 милиони евра на Монца за трансферот на италијанскиот репрезентативец.

Договорот на Малдини ќе трае до летото 2029 година.

23-годишниот фудбалер минатото лето прејде во Монца од Милан за 5 милиони евра. Во текот на сезоната одигра 20 натпревари во Серија А и постигна три гола.

Неговите добри настапи му донесоа повик во италијанската репрезентација, каде што веќе забележа три настапи за „аѕурите“.

Maldini è nerazzurro ⚫️🔵 pic.twitter.com/yu8k59s5bt

— Atalanta B.C. (@Atalanta_BC) February 1, 2025