Еден од најдобрите играчи на Арсенал оваа сезона е Габриел Мартинели. По одличниот прв дел од сезоната, овој Бразилец доби покана за настап на Мундијалот, а продолжи со добри игри и по најголемото светско фудбалско шоу.
Мартинели, благодарение на сето она што досега го направи за Арсенал оваа сезона, заработи и – нов договор.
Неговиот сегашен договор има важност до 2024 година, а новиот ќе биде до јуни 2027 година. 21-годишниот фудбалер дефинитивно ќе биде позадоволен, а во Арсенал се надеваат дека ќе биде еден од клучевите за освојување на шампионската титула сезонава.
