Арсенал е подготвен да плати 35 милиони евра за 22-годишниот напаѓач на Ипсвич, Лиам Делап, објавуваат британските медиуми. Иако има договор до јуни 2029, Ипсвич испадна во Чемпионшип и е принуден да го продаде својот најдобар играч. Делап оваа сезона има 12 голови и две асистенции.
Арсенал веќе постигнал договор со неговиот агент за личните услови, но Делап е информиран дека ќе мора да се избори за место во тимот, бидејќи приоритет на Микел Артета за позицијата центарфор е Виктор Ѓокереш од Спортинг, кој има неверојатни 52 гола сезонава во сите натпреварувања.
Арсенал се обидел да го донесе и Бењамин Шешко од Лајпциг, но спортскиот директор Андреа Берта го блокирал трансферот поради висока цена од над 80 милиони евра.
Лиам Делап, син на легендарниот Рори Делап, е поранешен играч на младинскиот погон на Манчестер сити, но не успеа да се наметне во првиот тим. Летово беше продаден на Ипсвич за 18 милиони евра.
