Аргентина стана првата репрезентација која обезбеди пласман во четвртфиналето на Копа Америка 2024. Во Њу Џерси, светскиот шампион и бранител на трофејот бо ова натпреварување го совлада Чиле со 1-0.
Решавачкиот гол го постигна Лаутаро Мартинез во 88. минута. По корнерот кој го изведе Лионел Меси, напаѓачот на Интер најдобро се снајде во шеснаесетникот на Чиле и од неколку метри ја смести топката во мрежата.
Натпреварот го следеа повеќе од 80 илјади навивачи, од кои повеќе од 90 отсто ја поддржуваа Аргентина.
