Анхел Ди Марија би можел да го напушти Јувентус на крајот на сезоната и да прејде во Атлетико Мадрид. Репрезентативецот на Аргентина е одушевен од интересот на клубот од Примера, кој сака да го засили нападот.
35-годишниот играч од средниот ред може да се приклучи на Атлетико Мадрид како слободен играч ова лето.
Во тековната сезона во Серија А, фудбалерот одигра 16 натпревари на кои постигна четири гола и имаше четири асистенции.
Ди Марија е поранешен играч на Реал Мадрид. Тој го носеше дресот на „кралевите“ во периодот од 2010 до 2014 година. Аргентинецот, кој со „гаучосите“ триумфираше на Светското првенство во Катар во 2022 година, во својата кариера на клупско ниво играше и за Бенфика, Манчестер Јунајтед и за Пари Сен Жермен.
