Голманот на Реал Мадрид, Андриј Лунин, би можел да го засили Челси. Украинскиот голман блескаше во изминатата сезона во отсуство на повредениот Тибо Куртоа, но и покрај тоа, Белгиецот по опоравувањето ја доби шансата во финалето на Лигата на шампионите.
Лунин сакаше поголема минутажа и улога пред новата сезона, а бидејќи Реал Мадрид не можеше да му го гарантира тоа, Украинецот реши да ги разгледа понудите.
Една таква пристигна од Челси, со кој наводно ги договорил личните услови. Воедно, сигурно доби и гаранции дека ќе биде прв голман, па останува да видиме дали ќе си замине Роберт Санчез или Ѓорѓе Петровиќ, кој минатата сезона беше прв чувар на мрежата под водство на Маурисио Покетино.
