Италијанскиот калчолигаш Рома многу веројатно ќе се раздели со Един Џеко по завршувањето на сезоната, а идеалната замена за него ја гледа во Андреа Белоти. Репрезентативецот на „аѕурите“ најави дека сака да го напушти Торино и да најде нов предизвик, а Рома е клуб каде би имал многу поголема можност за истакување, па дури и борба за трофеи.
Покрај Рома, за Белоти се интересираат и Милан, Атлетико Мадрид, Евертон и Лион. Сепак, се чини дека Белоти е подготвен да остане во Серија А, а во моментот Рома е поблиску до него од Милан.
