Тренерот на Спортинг Лисабон, Рубен Аморим, го имаше својот последен натпревар со тимот на „Жозе Алваладе“, пред да го преземе Манчестер Јунајтед. Тој се прости со навивачите на „лисабонските орли“ на најдобар можен начин, со победа од 4-1 против Манчестер Сити во Лигата на шампионите.
Според него, судбината била таква да се збогува со сегашниот клуб токму на овој начин.
„Не можеше да биде подобро од ова. Среќата беше на наша страна за разлика од други натпревари. Првото полувреме беше многу тешко. Тешко ја задржувавме топката и имаше многу нервоза. По првиот гол и со приближување на паузата, работите почнаа да се подобруваат. Се разбира, двата гола на почетокот на второто полувреме многу помогнаа и го сменија текот на натпреварот. Атмосферата беше неверојатна. Мислам дека ми беше судено да се збогувам на овој начин“, изјави Аморим.
