Езгјан Алиоски и Лидс Јунајтед дојдоа на „Емирати“, немаше повторно инцидент со Пепе, со оглед дека напаѓачот на Арсенал остана на клупата, а македонскиот интернационалец беше стартер и доби помалку од еден час за да одигра против „топчиите“. Но, Пјер – Емерик Обамејанг го „украде“ шоуто, постигна хет – трик во триумфот на Арсенал од 4-2.
Обамејанг го отвори резултатот во 13.минута, зголеми на 2-0 од пенал во 41.минута, а пред полувремето Хектор Белерин му побегна на Алиоски и погоди за три гола предност за Арсенал.
На стартот на вториот дел Обамејанг комплетираше хет – трик, а откако Арсенал малку се опушти, Лидс Јунајтед постигна два гола преку Паскал Струјк и Хелдер Коста.
