Тренерот на Јувентус, Масимилијано Алегри, изрази задоволство од успехот над Милан во дербито од деветтото коло во италијанската Серија А. Со овој триумф „бјанконерите“ дојдоа на третата позиција со 20 бодови и се доближија до Милан (21) и до лидерот Интер (22).
„Јувентус добро се бранеше, а фудбалот е составен од многу детали. Во последните минути ни недостасуваше трпение и му дозволивме на Милан да тргне во контранапади. Тоа можеше да биде кобно. Помина долго време откако последен пат го победивме Милан, па можам само да им се заблагодарам на моите играчи“, изјави Алегри.
