Италијанскиот калчолигаш Јувентус ќе се обиде ова лето да го доведе фудбалерот од средниот ред на Челси, Жоргињо. Тој има желба да се врати во Италија, а неговиот договор со лондонскиот клуб истекува наредното лето.
Тренерот на Јувентус, Масимилијано Алегри, смета дека Жоргињо би бил идеална опција за реновираниот среден ред, па побара од раководството на клубот да отпочне разговори за негов ангажман.
Жоржињо пред четири години од Наполи пристигна во редовите на Челси и се промовираше во еден од столбовите на играта на тимот од „Стемфорд Бриџ“.
