Францускиот гигант Пари Сен Жермен нема намера да остане без еден од најдобрите фудбалери во светот, напаѓачот Килијан Мбапе. Иако се најавува негов трансфер во Реал Мадрид и Флорентино Перез кова план како да го доведе на „Сантијаго Бернабеу“, сепак, дојде силно „не“ од првиот човек на „светците“.
Претседателот на ПСЖ, Насер Ал Келаифи, истакна дека францускиот клуб нема никогаш да го продаде Килијан Мбапе, а тој нема да си замине ниту како слободен агент. Чудно, со оглед дека неговиот договот истекува следното лето.
„Ќе бидам јасен. Килијан Мбапе ќе продолжи во Пари Сен Жермен, ние нема никогаш да го продадеме и тој нема никогаш да си замине како слободен агент“, изјави Ал Келаифи.
