Поранешниот македонски репрезентативец Агим Ибраими заминува од Шкендија. Клубот од Тетово потврди дека е склучен спогодбен раскин на договорот и разделба со едно од најзвучните имиња во македонската Прва лига.
Раководството на тетовци и искусниот фудбалер се договориле дека во моментов најдобро за двете страни е да дојде до раскин на договорот.
Од клубот му се заблагодаруваат на Ибраими за периодот поминат во Тетово и му посакуваат среќа во понатамошната кариера. Агим Ибраими својот кам-бек во Шкендија го имаше во 2019 кога по втор пат потпиша за клубот од Тетово доаѓајќи од редовите на словенечки Домжале.
За тимот настапи на 12 натпревари на кои три пати се запиша во листата на стрелците. Претходно во кариерата поранешниот репрезентативец на Македонија настапуваше и за Ред Бул Салцбург, Олимпија Љубљана, Ексишехиспор, Нафта Лендава, Марибор, Калјари и Астана.
