Челси ја забележа третата победа во низа откако во меч со пресврти го совлада Нотингем Форест на гости со 2-3. Со овој триумф фудбалерите на Маурисио Покетино ги зголемија надежите за пласман во Лига Европа следната сезона. Сега „сините“ имаат идентичен број бодови како и Њукасл.
Михаило Мудрик во осмата минута донесе предност за Челси, но Вили Боли израмни осум минути подоцна.
Во вториот дел, Нотингем Форест дојде во водство со голот на Хадсон – Одои во 75.минута, но Челси не се предаде и одговори експресно.
Рахим Стерлинг во 80.минута донесе ново израмнување, а две минути подоцна Николас Џексон го постигна победничкиот гол.
