Челси испрати богата понуда до Антонио Конте со цел да го преземе тимот предводен од Маурисио Покетино со променлив успех во текот на целата сезона. Челси моментално е деветтопласиран во англискиот шампионат и се очекува Покетино да ја напушти клупата на крајот од сезоната.
Конте, кој е желба на Милан и на Наполи, го водеше Челси од 2016 до 2018 година и со него ја освои титулата во Премиер – лигата во сезоната 2016/17, а една година подоцна го крена и трофејот наменет за најдобриот тим од ФА Купот. Меѓу останатите клубови со кои раководеше Конте, кој е и поранешен селектор на Италија, се Јувентус, Интер и Тотенхем.
Тотенхем беше неговиот последен клуб во неговата тренерска кариера. Тој минатата година го напушти со заедничка согласност, откако ги нарече играчите себични, а клупските челници – губитници.
„Ова е приказната за Тотенхем: Истиот сопственик е тука 20 години и тие никогаш не освоиле ништо. Зошто? Дали е виновен клубот или секој тренер кој е тука оттогаш?”, изјави Конте.
