Најдобрата македонска судијка Ива Пројковска има голема чест да го суди полуфиналниот натпревар од Лигата на шампионите во женска конкуренција меѓу ПСЖ и Лион. Реваншот ќе се игра на 28. април на „Паркот на принцовите“, а во првиот меч ПСЖ победи со 3-2.
На Ива Пројковска ќе и помагаат Вјолца Изеири и Сташа Спур. Четврти судија ќе биде Јелена Цветковиќ од Србија.
Ова е големо признание за квалитетите на најдобрата македонска судијка, која во блиска иднина би можела да очекува да биде делегирана и во едно големо финале.
