Рома не успеа да слави на гостувањето против Лече и сега има пет бода негатива во однос на четвртопласираната Болоња, во трката за пласман во Лигата на шампионите следната сезона. Дуелот на стадионот „Виа дел Маре“ заврши без голови.
Ова е првпат Рома да не постигне гол откако ја предводи Даниеле де Роси во Серија А.
Двете екипи имаа многу шанси, но на крајот затаи реализацијата. Лече имаше дури 27 удари кон голот на Миле Свилар, но и голманот на Рома беше одличен.
