Македонскиот репрезентативец Висар Муслиу потпиша договор со унгарскиот вицепрвак Февервар (поранешен Видеотон) и веднаш е промовиран во новата средина.
„Среќен сум, потпишав договор со еден од најдобрите клубови во Унгарија. Бобан Николов ми кажа се најдобро за клубот, а него му верувам, се знаеме десет години, бевме соиграчи во Вардар иво националната репрезентација. Сакам да помогнам за шампионските амбиции на клубот. Го разгледав малку градот, прекрасен е и стадионот МОЛ Арена и едвај чекам да заиграм на овој терен“, изјави Висар Муслиу.
