Пораз од Шведска: Надежите не можеа да одолеат со фудбалер помалку

Младата фудбалска репрезентација на Македонија до 21 година доживеа пораз (0-2) од Шведска во квалификациите за ЕП. На Арената „Тодор Проески“, Швеѓаните беа доминантни и го искористија фактот што Македонија речиси цело второ полувреме играше со фудбалер помалку.

Михаил Димитриевски доби директен црвен картон за груб старт на почетокот на вториот дел, во 47.минута, а тоа на Шведска и го отвори патот кон триумфот.

Водството за Швеѓаните го донесе Ото Росенгрен во 67.минута, а Вилхелмсон во финишот од мечот го потврди триумфот.