24-годишниот Колумбиец Гиљермо Денис Белтран почина на тренинг, соопшти неговиот боливиски клуб Реал Санта Круз. Од информациите е јасно дека смртта настапила поради откажување на белите дробови.
Белтран колабирал на теренот за време на тренингот, а лекарскиот тим веднаш му пришол на помош. И покрај брзата реакција и обидите за реанимација, Колумбиецот починал.
„Тренираше како и обично, но во еден момент само колабираше. Лекарите се обидоа да го спасат, но тој почина на пат кон болница“, изјави тренерот на Санта Круз, Адолфо Сорија Галваро.
Претседателот на колумбискиот клуб Фернандо Коста изрази сочувство до семејството и роднините на фудбалерот и објави дека наредил внатрешна истрага за случајот.
