Њукасл доби тежок удар откако клубот денеска официјално објави дека дефанзивецот Свен Ботман заработил тешка повреда при поразот од Манчестер Сити во ФА Купот со 2-0. Тогаш дефанзивецот беше принудно заменет во 83. минута.
24-годишниот Холанѓанец ги скинал предните вкрстени лигаменти на коленото и ќе мора да оди на операција. Ботман ќе биде надвор од терените меѓу 6 и 9 месеци.
Дефанзивецот исто така се справи со сериозна повреда на коленото на почетокот на сезоната, поминувајќи речиси три месеци во клупската амбуланта.
Ботман оваа сезона досега одигра 22 натпревари во сите конкуреции, постигнувајќи два гола и две асистенции.
