Баерн Минхен имаше неколку турбулентни недели зад себе, најави разделба со тренерот Томас Тухел по завршувањето на сезоната, но поголем проблем е што и дел од ѕвездите сакаат да си заминат. Резултатите на теренот се под очекувањата, атмосферата е многу лоша, а сега и Џамал Мусијала одби нов договор.
Тој тргнува по стапките на Алфонсо Дејвис кој исто така одби да го продолжи договорот.
Ливерпул и Манчестер Сити се клубовите кои се борат за најголемиот талент во германскиот фудбал, што е сериозен удар за Баерн.
Вредноста на Мусиала се проценува на повеќе од 100 милиони евра, а знаејќи ја куповната моќ на „црвените“ и на „граѓаните“, таа сума не е проблем.
