Повредата на голманот на Ливерпул, Алисон Бекер, е далеку посериозна од очекуваното. Ова го потврди менаџерот на „црвените“, Јирген Клоп пред гостувањето кај Нотингем Форест во Премиер – лигата.
Првично се мислеше дека повредата на мускулот ќе го оддалечи Алисон до репрезентативната пауза во март, но по изјавата на Клоп стана јасно дека тоа може да трае подолго.
„За него нема период на опоравување, но се работи за повреда на мускулот. Различни луѓе закрепнуваат поинаку. Ова не е повреда која ќе трае кратко. Во моментов тренира во теретана, а не на терен“, објасни Клоп.
