Менаџерот на Ливерпул, Јирген Клоп, очекува сериозен тест за неговиот тим на гостувањето кај Нотингем Форест. „Црвените“ водат во табелата во Премиер – лигата и сѐ уште се во еуфорија по освојувањето на Лига купот.
Сепак, во тимот има уште многу повредени, а се испостави дека Енди Робертсон и Алекс Мекалистер се болни. Постои шанса Дарвин Нуњез и Доминик Шобошлаи да играат, но не и Мохамед Салах, кој најверојатно нема да се врати уште една недела.
„Сега сме само бод пред Манчестер Сити и два пред Арсенал, што не значи ништо. Но, да се биде на 60 бода во оваа фаза од сезоната е доказ за нивото на кое сме. Но, ако останеме со овие 60 бода, веројатно нема да бидат доволни за место во Лигата на шампионите. Тоа значи – да продолжиме понатаму! Пред две години имавме посилен тим и имаше конкуренција за секоја позиција. Сегашната ситуација покажува дека сме способни да се избориме и покрај сѐ“, изјави Јирген Клоп.
