Напаѓачот на Манчестер Сити, Ерлинг Халанд, вечерва би требало да се врати на терените по речиси два месеци отсуство, соопшти менаџерот Пеп Гвардиола.
„Го имаме целиот тим на располагање. Ерлинг се врати. Два месеци се многу, но тој се чувствува добро“, изјави Гвардиола на прес-конференцијата во пресрет на натпреварот против Барнли во Премиер – лигата.
Халанд нема играно од 6 декември кога го повреди стапалото на натпреварот против Астон Вила.
Норвешкиот напаѓач пред повредата постигна 14 гола на 15 првенствени натпревари.
