Хрватскиот интернационалец Иван Ракитиќ договорил сѐ околу трансфер во Ал-Шабаб, а англиските медиуми денеска пишуваат дека таму би можел да му се придружи и Давид де Хеа.
Прославениот поранешен голман на шпанската репрезентација е слободен играч откако на крајот од минатата сезона му истече договорот со Манчестер Јунајтед.
Де Хеа претходно беше поврзуван со Ал-Наср, клубот за кој играат Кристијано Роналдо и Марсело Брозовиќ.
Ал-Шабаб моментално се наоѓа на 11. позиција на табелата во Саудиска Арабија, а на 19 одиграни натпревари има примено 25 гола. Под знак прашалник е во каква форма треба да пристигне Де Хеа, бидејќи не брани повеќе од шест месеци.
Тој беше добитник на „Златната ракавица“ во Премиер-лигата пред Манчестер Јунајтед да одлучи да не го продолжи договорот.
