Баерн Минхен доживеа шокантен пораз (0-1) на „Алијанц арена“ од Вердер и дополнително си ги закомпликува шансите во трката за шампионската титула. Првпат по 16 години, тимот од Бремен го победи баварскиот клуб, а стрелец на голот беше Мичел Вајсер во 59.минута.
Баерн одигра многу лош натпревар, ѕвездите на Томас Тухел по примениот гол тргнаа на сѐ или ништо, но не успеаја да постигнат погодок, а и тоа се случува првпат по две години.
Баерн Минхен сега заостанува седум бода зад лидерот Баер Леверкузен на врвот на табелата во Бундес-лигата.
