Најдобриот фудбалер на Египет, Мохамед Салах, ќе ги пропушти следните два натпревари на Африканскиот куп на нации поради повреда.
Салах се повреди на натпреварот против Гана (2-2) и го напушти теренот уште во првото полувреме. Тој нема да биде во националниот тим на мечот против Зеленортските острови и во евентуалното осминафинале.
„Повредата на Мо Салах поради истегнување на мускулот на задната ложа значи дека тој ќе мора да ги пропушти следните два натпревари на Африканскиот куп против Зеленортските острови и осминафиналето во случај на квалификување“, соопшти Фудбалската федерација на Египет.
