Кевин Де Бруин е вметнат во тимот на Манчестер Сити за Светското клупско првенство во Саудиска Арабија кон крајот на овој месец. Белгискиот играч за врска нема играно за освојувачите на тројната круна од август кога заработи повреда на тетивата.
Медиумите во Англија тврдат дека Де Бруин најверојатно нема да игра на Светското клупско првенство, туку дека ќе замине со тимот на Сити за претстојниот тренинг камп за постепено да се вклучи на тренинзите.
Фудбалерот од средниот ред во интервју за „Скај Спортс“ призна дека има уште време додека потполно да се опорави, но најверојатно не повеќе од еден месец.
