Тренерот на Лајпциг, Марко Росе, верува дека играчот од средниот ред Дани Олмо повторно ќе отсуствува долго време откако заработи повреда на рамото на вчерашниот натпревар од Бундес-лигата против Келн.
„Ситуацијата не изгледа добро, тој беше одведен во болница. Нешто не е во ред со неговото рамо. Моравме да го ставиме во брзата помош веднаш по натпреварот“, изјави Марко Росе за „Скај Германија“.
Олмо влезе како замена во 63. минута, но беше изнесен само седум минути подоцна откако играчот на Келн, Лука Килијан, го удри по рамото и тој падна.
