Голманот на Манчестер Јунајтед, Андре Онана, изјави дека не треба да се презема ништо против неговиот соиграч Алехандро Гарначо, откако тој во објава на социјалните мрежи под заедничката фотографија објави емоџи од горила.
Гарначо додаде емотикони на фотографијата на која тој и Онана слават откако голманот на Камерун одбрани пенал против Копенхаген во седмата минута од судиското надополнување на натпреварот од третото коло во Лигата на шампионите.
„Луѓето не можат да одлучат што мене ќе ме навреди. Знам точно што значеше Гарначо: моќ и сила. Оваа работа не треба да оди понатаму“, истакна Онана на Инстаграм, пренесе „Би-Би-Си“.
Фудбалската асоцијација на Англија е запознаен со соопштението на 19-годишниот Аргентинец од кого побара објаснување.
