Баерн Минхен размислува да го ангажира грчкиот дефанзивец Сократис Папастатопулос откако реши да не го врати Џером Боатенг, пишува „Билд“. Баварците имаат сериозни проблеми во срцето на одбраната, каде се повредени Матијс де Лихт, Дајот Упамекано и Тарек Бухман.
Затоа Баварците првично планираа да го вратат Џером Боатенг во клубот, но на крајот решија да не ги користат услугите на својот поранешен играч.
Сократис добро се вклопува бидејќи е слободен агент и може веднаш да се приклучи на тимот.
Грчкиот дефанзивец летото го напушти Олимпијакос каде мина две и пол години. Претходно беше дел од АЕК Атина, Милан, Џенова, Вердер Бремен, Борусија Дортмунд и Арсенал.
