Бразилскиот фудбалер Ентони се договори со Манчестер Јунајтед да го одложи неговото враќање во клубот, откако беше обвинет за насилство врз девојка.
Тој беше обвинет за насилство кон бремена девојка, но ги негираше обвинувањата.
„Манчестер Јунајтед е информиран за обвинувањата против Антонио. Фудбалерите кои немаат репрезентативни обврски треба да се вратат на тренинзите во петок. Сепак, со Ентони е договорено неговото враќање да се одложи додека не се преземат дополнителни чекори во врска со обвинувањата. Како клуб ги осудуваме сите акти на насилство и малтретирање. Ја препознаваме важноста на безбедноста на сите кои се наоѓаат во оваа ситуација“, се вели во соопштението на клубот од „Олд Трафорд“.
Од истите причини Ентони не игра за репрезентацијата на Бразил, иако беше повикан за натпреварите во септември.
Мејсон Гринвуд неодамна имаше слична ситуација во Јунајтед, кој беше обвинет за насилство и силување, поради што беше исклучен од тимот, но тие обвиненија беа отфрлени. Гринвуд на крајот беше испратен на позајмица во Гетафе.
