Играчот од средниот ред на Рен, Ловро Мајер, му се приклучи на Волфсбург, објави официјалниот сајт на германскиот клуб. 25-годишниот хрватски играч за врска потпиша договор до 2028 година.
Тој ќе игра во дресот со број „19“, а зделката ќе го чини Волфсбург 30 милиони евра. Планирани се уште 5 милиони евра во форма на можни бонуси.
Мајер играше за Рен од 2021 година по неговиот трансфер од Динамо Загреб. За францускиот клуб забележа 79 настапи, постигнувајќи девет гола и 16 асистенции. Мајер има и 21 натпревар и четири гола за хрватската репрезентација.
