Ал-Наср го освои Арапскиот куп на шампионите со победата од 2-1 над Ал-Хилал. Јунак на триумфот беше Кристијано Роналдо, кој беше стрелец на двата гола за Ал-Наср.
И покрај поразот за најдобар играч во финалето беше прогласен Сергеј Милинковиќ-Савиќ, што го изненади и него, па не беше премногу возбуден за личното признание.
Наспроти тоа, Кристијано Роналдо бурно реагираше, беше шокиран што и покрај двата постигнати гола не беше избран за МВП играч на финалето.
Португалецот енергично протестираше, додека СМС се фотографираше со трофејот.
