Македонскиот првак Струга Трум Лум е на добар пат да обезбеди уште едно место за екипите од нашиот шампионат во европските купови. Одличните игри и победите на Струга ТЛ нѐ искачија веднаш над граничната линија, па Македонија најверојатно и следната сезона ќе има четири претставници во европските натпреварувања (шампионот, победникот на Купот и уште две екипи според пласманот на табелата).
Поради слабите резултати на македонските клубови во Европа во изминатите пет сезони, Македонија падна под 50. позиција во рангирањето, а тоа значеше и намалување на едно место во Конференциската лига.
За искачувањето на Македонија на 50.место, последно кое носи четири претставници, придонесе и поразот на Санта Колома (Андора) од АЗ Алкмар.
