Мислав Оршиќ (30) летово стана играч на турскиот клуб Трабзонспор по лошата епизода во Саутемптон. На барање на тренерот Ненад Бјелица, тренерот кој го доведе во Динамо, тој се приклучи на турскиот тим, но можно е да не заигра неколку месеци.
На денешниот тренинг на Трабзонспор во словенечки Крањ, хрватскиот офанзивец падна по еден дуел со соиграчот Хакан Јешил и заврши во солзи.
Оршиќ се грчеше и липаше од болка, а лекарскиот тим веднаш му пријде. По третманот, Оршиќ го напуштил теренот со количка за голф, а првичните информации говорат дека се работи за сериозна повреда на коленото.
Турскиот клуб Трабзонспор на 25 јули ќе игра пријателски натпревар против Работнички на подготовките во Словенија.
