Македонскиот претставник Шкупи оствари убедлива победа (0-5) против литванскиот Хегелман во првиот меч од квалификациите во Конференциската лига. Јасно е дека реваншот во Скопје ќе биде само ревијален, а следната пречка за тимот од Чаир ќе биде бугарскиот клуб Левски.
Триумфот во Литванија чаирчани го посветија на Валид Хамиди, алжирскиот интернационалец кој не доби влезна виза за Литванија.
„Не сакаме политика во фудбалот, фудбалот е убав во сите бои, само со својот јазик и својата религија. Оваа победа ја посветуваме на нашиот фудбалер Валид Хамиди, играчот на кого не му беше одобрена виза за Литванија“, истакнаа од Шкупи по синоќешниот триумф.
