Работнички не се шегува во пресрет на новата сезона. Откако ангажираше неколку квалитетни засилувања во изминатиот период, денеска „двоен удар“ во Дебар Маало.
Пристигна репрезентативецот Томче Гроздановски, а нов едногодишен договор потпиша и капитенот Крсте Велкоски.
„Најубаво е дома. Со Работнички се разбираме со поглед и драго ми е што во пресрет на новата сезона хоризонтот пред нас е сѐ поширок. Верувам дека заедно со момците можеме многу во новиот шампионат, а Работнички секако во себе има шампионски гени“, изјави капитенот Крсте Велкоски.
