Офанзивецот Дарко Размоски е ново засилување за македонскиот второлигаш Пелистер. Тој беше можеби најзаслужниот за пласманот на Вардар во елитата откако стрелаше на баражот против Скопје (3-0), но сега реши да се врати во Битола.
Размоски всушност се врати во Пелистер каде играше во минатото, а е поранешен член и на Брегалница, Беласица, Воска и на Охрид.
„Чест ми е што одново сум дел од ФК Пелистер. Моите амбиции и амбициите на клубот се прволигашки и ќе дадам сѐ од себе тие да се остварат“, изјави Размоски.
