Македонскиот репрезентативец Висар Муслиу потпиша договор со германскиот второлигаш Падерборн. Тој замина од Инголштад и сега повторно има поголем предизвик за докажување во Втората Бундес-лига.
Муслиу потпиша двегодишен договор, со опција за продолжување на соработката и за уште трета година, доколку двете страни се задоволни од претходниот период. Негов нов менаџер е Фисник Нухиу, поранешниот спортски директор на Ренова.
Падерборн минатата сезона ја заврши на шестото место во Втората Бундес-лига, а во новата има амбиции и за пласман во елитата.
