Грузискиот интернационалец Квича Кварацкелија е на чекор до продолжување на договорот со Наполи до 2028 година. Тој беше еден од најдобрите играчи во шампионскиот тим на Наполи и даде огромна помош во освојувањето на „скудетото“ по цели 33 години.
Кварацкелија ќе добие речиси трипати поголема годишна плата од сегашната и во иднина ќе заработува 3 милиони евра по сезона.
Тој пристигна минатото лето за 11,5 милиони евра од Динамо Батуми. Зад себе има една од најдобрите дебитантски сезони во најдобрите пет лиги во Европа.
Кварацкелија на 43 натпревари постигна 14 гола и забележа 17 асистенции.
