Ливерпул официјално го објави своето прво ново засилување во летниот преоден рок. Станува збор за аргентинскиот играч за врска Алексис Мекалистер, кој им се приклучува на „црвените“ од тимот на Брајтон.
Играчот од средниот ред ќе го засили тимот на Јирген Клоп откако имаше одлична година со Аргентина, стана светски шампион, а исто така имаше солидна сезона во Премиер – лигата за „галебите“, постигнувајќи десет гола и две асистенции во 35 натпревари.
Договорот на играчот е со важност до јуни 2028 година.
