Францускиот ас Карим Бензема на специјална прес-конференција се збогува со Реал Мадрид и кариерата ќе ја продолжи во Ал-Итихад од Саудиска Арабија.
„Тешко е, имам толку многу емоции, но сакам да кажам дека вечно ќе бидам благодарен на Реал Мадрид, на соиграчите, раководството и сите кои беа дел од Реал во овие изминати години. Сега е време да заминам и да почнам нова приказна. Сакав да ја завршам кариерата во Реал Мадрид, но понекогаш животот носи во друга насока и дава друга шанса. Беше многу тешко да се донесе одлуката, но тоа го сторив со моето семејство. Секогаш ќе бидам фан на Реал Мадрид и ќе ги гледам сите негови натпревари“, изјави Бензема.
