По заминувањето на Серхио Бускетс, Барселона почна да бара наследник, а еден од кандидатите е играчот за врска на Баерн, Џошуа Кимих.
„Кимих е супер врвен играч, тој има фантастично разбирање за играта. Потребна ни е најквалитетната замена, си заминува играчот кој цела сезона беше во стартниот тим, лидерот на оваа Барса која ги освои Ла Лига и Суперкупот. Ни треба играч на високо ниво на оваа позиција, во спротивно ќе ни биде тешко да бидеме конкурентни следната сезона“, призна Чави.
„Ако има отворена врата, ако има некаква шанса, тогаш треба да преговараме со Баерн“, изјави Чави за „Мундо Депортиво“.
Договорот на 28-годишниот Германец со клубот од Минхен истекува во 2025 година.
