Македонскиот фудбалер Муарем Муарем стави крај на одличната фудбалска кариера. Како капитен на Гостивар, тој со тимот избори пласман во елитата и одлучи дека тоа ќе биде последната сезона во неговата кариера како активен играч.
Но, ќе остане дел од клубот и веднаш ќе стартува со тренерски предизвик. Тој треба да биде дел од стручниот штаб на Гостивар во новата сезона во елитното македонско фудбалско друштво.
Покрај за Гостивар, во кариерата Муарем Муарем настапуваше и за Брегалница, Шкупи, Работнички, Тетекс на домашната сцена, како и за Фљамуртари (Албанија), Актобе (Казахстан), Карабах (Азербејџан), Ескишехирспор и Ордуспор (Турција) во странство.
Најдобрите игри ги прикажа во Карабах, со кој со успех играше и на европска сцена.
