Наполи ќе биде значително ослабен на утрешниот натпревар против Милан на „Сан Сиро“, прв од четвртфиналната пресметка во Лигата на шампионите. Нигериецот ги пропушти последните два натпревари поради повреда на тетивата, која ја заработи додека настапуваше за репрезентацијата.
Клубот се надеваше дека најдобриот стрелец во Серија А ќе биде подготвен за првиот натпревар од Лигата на шампионите, но сепак не успеа да се опорави. Тој не тренира со тимот откако минатиот месец се врати во Неапол, а италијанските медиуми ја пренесоа изјавата на претседателот на клубот дека Осимен нема да закрепне навреме.
„Виктор не е во позиција да игра, за жал. Се надеваме дека ќе се врати на реваншот на 18 април“, изјави Аурелио де Лаурентис.
Осимен е најдобар стрелец во Серија А со 21 гол и е еден од најзаслужните за резултатите на Наполи, кој најверојатно ќе ја освои шампионската титула, прва откако Диего Марадона го предводеше клубот до нивните единствени две титули, во 1987 и во 1990 година.
Осимен оваа сезона постигна четири гола во Лигата на шампионите.
