Вилјареал го шокираше Реал Мадрид на „Сантијаго Бернабеу“ со триумф од 2-3. Само неколку дена по големиот триумф над Барселона во Купот, тимот на Карло Анчелоти доживеа неуспех во Ла Лига.
Пау Торес си постигна автогол во 16.минута за водство на Реал Мадрид, но Самуел Чуквуезе израмни во 39.минута.
Винисиус Жуниор во 48.минута повторно погоди за предност на „кралевите“ од 2-1, но потоа следеше шок за домаќинот.
Хозе Моралес во 70.минута повторно го израмни резултатот, а Чуквуезе со својот втор гол донесе голем триумф за Вилјареал.
