Mакедонскиот репрезентативец Висар Муслиу ќе отсуствува неколку недели од теренот откако заработи повреда на мускулот на ногата. Неговиот клуб Инголштад соопшти дека дефанзивецот се повредил на еден од последните тренинзи.
„Муслиу ќе паузира одреден период. Репрезентативецот на Македонија заработи повреда на мускулот на тренинг и нема да биде достапен на следните натпревари“, стои во соопштението на Инголштад.
Мисијата на Муслиу ќе биде да се рехабилитира за квалификациски натпревари на Македонија во јуни против Украина во Скопје и против Англија во Манчестер.
